| |
|
| |
| TURISMO » Datos Xerais |
|
Datos Xerais
 | | Rúa do Cardenal |
Comunidade autónoma galega
Provincia de Lugo
Partido xudicial: Monforte de Lemos
Extensión: 202 km2
Xeografía
O término municipal de Monforte situase nas chairas e depresións da Galicia centro-oriental. O seu marco físico aparece definido por unha unidade fundamental: a depresión de Lemos que se prolonga por Bóveda, O Saviñao, Pantón, Sober, Pobra do Brollón e Ribas de Sil, terras que conforman a denominada comarca do Val de Lemos.
A súa altitude é de 363 metros sobor do nivel do mar e está regado pola conca do río Cabe. O seu clima encuádrase dentro do dominio oceánico-continantal, caracterizado por unha temperatura media anual moderada, baixas precipitacións e unha considerable oscilación térmica. A estación máis chuviosa é o outono e os veráns son secos e calurosos. As xeadas e as néboas son moi fercuentes no inverno no val.
Poboación
Coa chegada do ferrocarril á fins do século pasado, houbo un progresivo crecemento ata 1950, data a partires da cal prodúcese un descenso na curva de poboación.
O último padrón danos unha cifra de 19.817 habitantes, dos cales 9.449 son homes e 10.368 mulleres, cunha densidade de poboación de 99,09 habitantes por kilómetro cadrado. É a segunda cidade en número de habitantes da provincia de Lugo por detrás da capital.
Comunicacións
Monforte como encrucillada histórica de camiños que foi, está ben comunicada cos principais núcleos urbáns de Galicia, tanto por estrada como por ferrocarril. Conta cunha estación de trens e terminal de autobuses.
A cidade, por tren, atópase enlazada cos eixes rexionais de Ferrol-Coruña e Ourense-Vigo. Por estrada, a comarcal 533 une a capital de Lemos con Lalín e Santiago. A comarcal 546 enlazaa coa capital de Lugo, donde entronca coa NVI con destino a A Coruña. Ourense e Vigo comunícanse con Monforte a través da N-120 de Logroño a Vigo, vía de acceso á meseta castelá e a través das liñas férreas con servicios regulares a Madrid e Barcelona.
|
| |
|
|
|
|
