| |
|
|
 |
| |
| Monforte de Lemos, 17/06/2009 | | A concellería de deportes organiza o "Día do Deporte na Rúa" | O concelleiro de deportes, Xosé Lois Losada, presentou en rolda de prensa o “Día do Deporte na Rúa” que se celebrará o vindeiro domingo, día 21 de xuño, entre as 11:00 e as 14:00 na praza da Compañía.
Xosé Lois Losada lembrou as adversas condicións climáticas que impediron que o pasado ano puidera celebrarse este acontecemento, agardando que nesta edición o clima sexa máis benévolo. Comentou que é unha actividade aberta a tódalas idades e que se desenvolverá en tres zonas diferenciadas: a explanada da Compañía, onde terán lugar a maioría das actividades, a pista polideportiva do xardín, onde se realizarán as actividades de futbol e baloncesto, e a zona do río do parque dos Condes, onde se levará a cabo a actividade de piragüismo.
O concelleiro dixo que haberá agasallos para os participantes e animou á cidadanía a desfrutar do “Día do Deporte na Rúa”, onde poderán practicar múltiples actividades: futbol, baloncesto, voleibol, ciclismo, piragüismo, tiro con arco, inchables, xogos alternativos, tai chi, xogos tradicionais, body combat e taekwondo.
Xosé Lois Losada aproveitou a comparecencia ante os medios para anunciar que o sábado día 20 de xuño, organizado polo club Quicela, celebrarase no pavillón da Pinguela o “I Torneo de Ximnasia Rítmica Val de Lemos”, coa participación de 200 deportistas procedentes de diversas localidades da provincia de Lugo.
O torneo comezará ás 16:30, pero pola mañá, a partir das 11:00, haberá unha exhibición na que participarán 100 deportistas dos diferentes colexios de Monforte.
O concelleiro destacou o bo labor do club Quicela e tamén a colaboración que este club mantén coas escolas municipais.
| | [...voltar] |
|
| |
|
|
|
|
.jpg)
