| |
|
|
 |
| |
| Monforte de Lemos, 03/07/2008 | | GRAN NIVEL DE PARTICIPACIÓN NO TORNEO DE FUTBOL XUVENIL | O Alcalde, o concelleiro de Deportes, e o presidente do Calasancio, presentaron esta mañá o V Torneo de Futbol Xuvenil “Memorial Jacobo Díaz Camino”.
O torneo, que se celebrará os días 9 e 10 de agosto, contará coa participación dos equipos C.P. Calasancio, R.C. Deportivo da Coruña, Benfica (Portugal), e Tottenham Hotspur (Inglaterra).
As semifinais do torneo disputaranse o sábado día 9 ás 17:45 (Tottenham – Deportivo) e as 19:30 Benfica – C.P. Calasancio. O domingo día 10 xogarase o partido polo terceiro e cuarto posto, ás 10:15, e a final, ás 12:00. Poñeranse á venda bonos de 10 euros para presenciar os catro partidos.
Este torneo internacional está patrocinado polo Xacobeo e ten un orzamento de 21.000 euros, dos cales o Xacobeo aporta 10.000, a Fundación Deporte Galego, da Consellería de Cultura e Deporte, unha cantidade aínda por determinar, e o Concello de Monforte o resto do diñeiro necesario.
Este ano adiantáronse as datas do torneo, que habitualmente se celebraba despois das festas patronais, coa intención de propiciar unha maior asistencia de público ó Estadio Municipal de A Pinguela, xa que o evento ben o merece.
Juan Carlos Díaz, presidente do Calasancio, club que organiza o torneo, dixo que continuaban na liña de contar con equipos de gran potencial e que o evento podía celebrarse grazas á colaboración especial do Concello, sen a cal, remarcou, sería imposible acadar este nivel de participación. Comentou que seguirán traballando para manter este nivel e agradeceu ó Xacobeo e á Consellería de Cultura e Deporte a súa implicación.
Xosé Lois Losada dixo que dende a súa Concellería continuaban apostando por este tipo de eventos, subliñando que é un orgullo poder acoller este torneo en Monforte e demostrar que temos capacidade para organizalo. O Concelleiro outorgoulle todo o mérito ó presidente do Calasancio pola organización, e ó Alcalde polas xestións para conseguir o financiamento necesario. Xosé Lois Losada manifestou que continuaba apostando polo fútbol base e que este torneo resultaba importante para os rapaces do Calasancio e para todos os que practicaban deporte.
Severino Rodríguez dixo que el tiña interese porque en Monforte se celebraran eventos deste tipo que, ademais do seu valor deportivo, eran beneficiosos para a cidade pola repercusión dos mesmos no resto de Galicia, no Estado, e noutros países.
O Alcalde dixo que colaborar co Calasancio resultaba fácil pola súa maneira de traballar e pola gran implicación co fútbol base e a experiencia que tiñan.
Os participantes na rolda de prensa agradeceron fondamente a implicación do Xacobeo e fixeron un chamamento á cidadanía para que asista a presenciar un torneo de gran nivel como é o “Memorial Jacobo Díaz Camino”
| | [...voltar] |
|
| |
|
|
|
|
